Parc Rhanbarthol y Cymoedd ydyn ni — rydyn ni’n frwd dros lesiant, diwylliant, yr amgylchedd a’r gymuned yng Nghymoedd y De.

Mae Parc Rhanbarthol y Cymoedd yn hyrwyddo pobl a thirwedd eiconig Cymoedd y De, gan weithio gyda phartneriaid i sicrhau’r buddion amgylcheddol a chymdeithasol mwyaf posibl i gymunedau lleol ac i genedlaethau’r dyfodol.

Trwy brosiectau amrywiol sy’n canolbwyntio ar y gymuned a mentrau awyr agored, rydym yn benderfynol o weithio mewn partneriaeth â chi, pobl y Cymoedd, i sicrhau bod ein rhanbarth yn parhau i fod yn lle gwych i weithio, i fyw ac i’w ddarganfod.

P’un a ydych am helpu i ddiogelu tirwedd y rhanbarth trwy gymryd rhan mewn gweithgareddau cadwraeth amgylcheddol am ddim yn un o’n safleoedd Pyrth Darganfod, darganfod eich tirwedd werdd leol o’r newydd, neu hybu’ch iechyd a’ch lles trwy dreulio amser yn yr awyr agored ymhlith natur.

Gofalu am y Cymoedd a’i bobl? Mae Yn Ein Natur.

Yn ymestyn o Sir Gaerfyrddin yn y gorllewin i Bont-y-pŵl yn y dwyrain; ac o Ben-y-bont ar Ogwr yn y de i Ferthyr Tudful yn y gogledd, mae Cymoedd y De yn gartref balch i gymunedau ffyniannus, mannau gwyrdd agored a thirweddau dramatig.

Fel rhan o’n gwaith, rydyn ni’n ymdrechu i ddathlu’r harddwch naturiol a’r dreftadaeth gyfoethog sydd gan ein rhanbarth i’w gynnig, a dyna pam rydyn ni wedi nodi deuddeg lleoliad ar draws y Cymoedd sy’n gwneud yn union hynny… a llawer mwy.

Dyma gyflwyno ein Pyrth Darganfod. O barciau gwledig a safleoedd treftadaeth i warchodfeydd natur, mae’r lleoedd arbennig hyn yn cynnig profiadau cofiadwy ac ysbrydoledig i bawb, waeth beth fo’ch oed a’ch diddordeb.