Castell Caerffili

Castell Caerffili yw castell mwyaf Cymru ac ail fwyaf Prydain (Castell Windsor yw’r mwyaf) ac mae’n edrych dros safle trawiadol 30 erw. Mae yno dyrau i’w harchwilio, drysfa i’w datrys, a ffau ddreigiau a mawredd y Neuadd Fawr i’w darganfod; mae Castell Caerffili yn faes chwarae delfrydol i haneswyr ifanc.

Cafodd y gaer ganoloesol hon ei hadeiladu rhwng 1268 ac 1271 yn bennaf gan Gilbert de Clare. Câi ei alw’n Gilbert ‘The Red’ oherwydd ei wallt coch a oedd yn arwydd o’i dras Normanaidd, a chododd y castell hwn er mwyn rheoli Morgannwg ac atal Llywelyn ap Gruffudd, Tywysog Cymru, rhag gwireddu ei ddyheadau yn y de.

Caerphilly Castle – Cadw / Caerphilly CBC

Ymosododd y Cymry droeon ar Gastell Caerffili, ond mae wedi parhau’n gaer anodd ei chipio ac efallai’n un o’r cadarnleoedd cryfaf a welwyd erioed. Methodd hyd yn oed ymdrechion pengryniaid Oliver Cromwell â thorri drwy ffiniau’r castell, er iddynt adael marc eithaf amlwg arno, sef y tŵr cam enwog sydd ar ogwydd o 3 metr ers 1648.

Dewch atom i weld y cyfan!